မြန်မာပြည်၌ ဦးစွာရုပ်တုပြုလုပ်ခြင်းအစကို ပြခြင်း။

ဤမြန်မာပြည်၌၊ ရှေးဦးစွာပြုလုပ်သော ရုပ်တု၏ အစကိုဆိုသော်၊ ကျန်ရစ်မင်း၏ သမီးတော် ရွှေအိမ်စီသည် စောလူမင်း၏ သားတော် စောယွန်းမင်းသားနှင့်ညား၍၊ ရွှေအိမ်စီ မွေးဘွားသည့် အလောင်းစည်သူဟု အမည်တွင်သော မင်းသည်။ ပေါက္ကံပြည်ကို အစိုးရ၏။  ပေါက္ကံပြည်ကို အစိုးရသော ထိုမင်းသည်၊ ဖေါင်တော်နှင့် စုန်လာရာ၊ ဧရ၀တီမြစ်အဆုံး၊ အောက်အရပ်ပင်လယ်ဝတိုင်အောင် ရောက်သောအခါ။ သီဟိုဠ်ကူး ရွက်သင်္ဘောကို စီးနင်း၍ လိုက်သောအခါ၊ သီဟိုဠ်ကျွန်းသို့ရောက်သောအခါ၌ မိမိနိုင်ငံနှင့်မတူ၊ ထူးခြားသော အရပ်တို့ကို လှည့်လည်၍ ကြည့်ရှုပြီးလျှင်၊ သီဟိုဠ် ရှင်ဘုရင်နှင့် မဟာမိတ်ဖွဲ့သောကြောင့် ပြန်လာသောအခါ၊ သူကဲ့သို့ ဘုန်းတန်းခိုးကြီးမားသော မင်းမရှိဟု မိမိကိုယ်ကို ထင်မှတ်ပြီးလျှင်၊ မာန်မာနအားဖြင့် ၀ါကြွား၍ မိန့်ဆိုသည်မှာ၊ ငါ၏ ဘေးလောင်းတော်၊ ဘိုးတော်အပေါင်းတို့သည် ငါ့ကဲ့သို့ ဘုန်းတန်းခိုးမရှိသောကြောင့်၊ ငါရောက်သော အရပ်သို့မရောက်နိုင်။ ငါမြင်ရသော တွေ့ရသော အရာတို့ကိုလည်း မမြင်ရ၊ မတွေ့ရလေဟူ၍ ပြောဆိုပြီးလျှင်။ နောက်များမကြာ ထိုမင်းသည် မျက်စေ့နှစ်ကွင်းသည်ရောဂါရောက်လေသော်၊ စက္ခုနှစ်ကွင်းသည် အလင်းမရသောအခါ၊ မင်းအမတ်ပုဏ္ဏားတို့ တင်လျှောက်ကြသည်မှာ။ အရှင်မင်းကြီးသည်၊ ဘိုးဘွား မိဘတို့ကို ပြစ်မှားသောကြောင့် ၊ ဘိုးဘွားမိဘ စာရေသင့်ခြင်းအားဖြင့်၊ စက္ခုနှစ်ကွင်း အလင်းမရကွယ်ရပါသည်ဟု လျှောက်ထားကြလေသည်။ ရှင်ဘုရင်ကလည်း မျက်စေ့မြင်အောင် အဘယ်သို့ပြုရပါမည်နည်းဟု မေးသော်။ မူးမတ်တို့က တင်လျှောက်သည်မှာ၊ ဘေးနော်ယထာ၊ ဘိုးတော် ကျန်ရစ်မင်းတို့၏ ကိုယ်စား ရွှေကို၊ အရုပ်သွန်းလုပ်ပြီးလျှင်၊ နန်းတော်ဦးကထား၍၊ ဆံပန်းပေါက်ပေါက်တို့ကို နေ့စဉ်ပူဇော်ကန်တော့ရမည်ဟု ဟောပြောသွန်သင်ကြလေသည်။ အလောင်းစည်သူမင်းသည်၊ ဘေးလောင်းတော်၊ ဘိုးလောင်းတော်တို့၏ ကိုယ်စား အရုပ်တို့ကို ရွှေဖြင့် သွန်းလုပ်စေပြီးလျှင်၊ မိမိနန်းတော်ဦးကထား၍ ကိုးကွယ်လေသည်။ ထိုအခါတွင် မင်းမူးမတ်တို့မစ၍၊ တိုင်းသူပြည်သား အပေါင်းတို့သည်လည်း၊ ရှင်ဘုရင်၏ နည်းတူ သေလွန်သော မိမိတို့ဘိုးဘေးများ၊ ဆရာသမားများအစရှိသော ရုပ်တုတို့ကို ထုလုပ်ကိုးကွယ်လာကြသည်မှာ တတ်နိုင်သည့်အတိုင်း ဇာချဲ့ကာပြုခဲ့ကြလေတော့သည်။ ထို့နည်းတူ အိမ်ဦး၌ ထားကာ ကိုးကွယ်ကြလေတော့သည်။ ၎င်းအချိန်ကစပြီး၊ ဤမြန်မာပြည်တွင် ရှေးဦးစွာ ရုပ်တုထုလုပ်ကြောင်းကို ၊ ရာဇ၀င်သစာစောင်တို့၌ ယနေ့တိုင်တွေ့ရလေသည်။ ၎င်းအလောင်းစည်သူမင်းသွန်းလုပ်ခဲ့သော အရုပ်တို့ကို၊ နောက်မင်းတို့သည်လည်း ရွှေဖြင့် ထပ်၍ မွမ်းမံကြလေသည်။ ၎င်းနောက် ကာလရွှေ့လျှားလာသောအခါ၊ ၎င်းရုပ်တုတို့ကို ဘုရားရုပ်ထင်မှတ်ကာ အယူရှိကိုးကွယ်ကြလေတော့သည်။ ဤကား မြန်မာပြည်၏ ရုပ်တုဆင်းတုတို့ကို ပြုလုပ်ခြင်း၏ အစကို စစ်ဆေးပြလိုက်ခြင်းပင်ဖြစ်သည်။

Posted in: ဗုဒ္ဓေါဝါဒ