ရှင်ဂေါတမအလောင်းမွေးဘွားစဉ်အခါကအတ္ထုပ္ပတ္တိအကြောင်းအရာကိုပြခြင်း။ ။

ဗုဒ္ဓ၀င်ကျမ်း၌ပြဆိုသည်မှာ။ မယ်တ်ာမာယာသည်ကိုယ်ဝန်ရင့်မာ၍၊ ရှင်ဂေါတမအလောင်း သိဒ္ဓတ္တမင်းသားကိုဖွားမြင်ချိန်နီးသောအခါ၊ ကပ္ပိလ၀တ်ပြည်မှ၊ ငါးယူဇနာခရီးကွာသော မောင်တော်သုပ္ပဗုဒ္ဓ ပြည်သို့အသွား၊ လမ်းခရီးအကြား၊ လုမ္ဗနီအင်ကြင်းတောတွင်၊ သက္ကရာဇ် ခြောက်ဆယ့်ရှစ်ခု၊ ကဆုန်လပြည့် သောင်္ကြာနေ့ နံက်တချက်တီးအချိန်၊ သိန်၊ လက်၊ ဗြိစ္ဆာ၊ စန်း၊ ၀ိသာခါနက္ခတ်နှင့်ယှဉ်၍ဘွားမြင်၏။ ထိုသို့ဖွားမြင်၍ပြီးသောအခါ၊ ရှင်ဂေါတမအလောင်းသိဒ္ဓတ္ထ မင်းသားသူငယ်သည်၊ အရှေ့အရပ်မှ၊ မြောက်အရပ်သို့လှည့်၍ ခုနှစ်လှမ်းသွားကြီးသောအခါ၊ မတ်တပ်ခြေစုံရပ်ပြီးလျှင်။ အဂ္ဂေါဟသမိံ လေကဿ၊ လေဌောဟသမိံ လောကဿ၊ အသဒိသောဟသမိံ လေကဿ ဟူ၍၊ သုံးခွန်းသောစကားဖြင့်ကြိမ်းပကြောင်းပြဆိုထားလေသည်၊ ၎င်းကြိမ်းပသောစကားသုံးခွန်း၏အဓိပ္ပါယ်ကိုရှေ့ဦးယျာဉ်တော်ထွက်ခန်းရောက်သောအခါတွင်အသေးစိတ်ပြပါမည်။ ရှင်သိဒ္ဓတ္ထမင်းသားကို၊ ဘွားမြင်သောနောက် တပြိုင်နက်တည်းဘွားမြင်သော ဘွားဖက်တော်ခုနှစ်ပါးတို့တွင်တပါးအပါအ၀င်ဖြစ်သောရွှေအိုးကြီးလေးလုံးတို့သည်၊ နန်းတော်တွင်းမှာတပြိုင်တည်းမြေကြီးမှ၊ အလိုလိုပေါ်ထွက်လာသည်ဟူ၍၎င်း၊ ထိုရွှအိုးကြီးလေးလုံးတို့မှာ၊ သိင်္ဃမည်သောရွှေအိုးသည်တဂါဝုတ်ရှိ၏။ တဂါဝုတ်ဟူသည်ကား၊ မြန်မာတိုင်တတိုင်နှင့်ခုနှစ်တာင်တာ၊ တာခြောက်ရာရှိသည် (တယူဇနာ= ၁၂ မိုင် ၄ ဖါလုံခန့်) ။ ၀ဠ မည်သောရွှေအိုးသည်လည်း၊ ယူဇနာတ၀က်ရှိသည်ဟုဆို၏။ ဥပလမည်သောရွှေအိုးသည်လည်း သုံးဂါဝုတ်ရှိသည်။ ပုဏ္ဍရိကမည်သောရွှေအိုးသည်ကား တယူဇနာရှိသည်ဟူသတည်း။ ။၎င်းရွှေအိုးလေးလုံးတိူ့၏အစောက်မှာ၊ နှစ်သိန်းလေးသောင်းအထူရှိသောမဟာပထ၀ီမြေကြီးနှင့်အတူအမျှအစောက်ရှိသည်ဟုပြဆို၏။ သို့ဖြစ်၍၎င်းရွှေအိုးလေးလုံးတို့သည်၊ ရှင်ဂေါတမအလောင်းသိဒ္ဓတ္ထမင်းသားဖွားမြင်သည့်အခါက၊ ဗုဒ္ဓ၀င်ကျမ်းဆရာပြဆိုသည်အတိုင်း၊ ၎င်းရွှေအိုးလေးလုံးတို့သည်၊ မြေမှပေါ်ရှိမည်။ မပေါ်ရှိမည်ကိုဥာဏ်အနည်းငယ်ထုတ်၍၊ စဉ်းစားဆင်ခြင်ရန်အကြောင်းမှာ၊ ဤဇမ္ဗူဒိပါကျွန်းတွင်၊မဇ္စျိမဒေသဟုခေါ်ဝေါ်သောအရှေ့ကိုဇင်္ဂလန်ကုန်းရွာ၊ အရှေ့တောင်ကိုလားသော်သလ္လာဝတီမြစ်၊ တောင်ကိုလားသော် သေတကဏ္ဏိကနိဂုံးရွာ၊ အနောက်ကိုလားသော် ဒုနမည်သောပုဏ္ဏားရွာ၊ မြောက်သို့လားသော် ဥဿိရဒ္ဓဇတောင်။ ဤသို့ငါးရပ်သောနယ်နိမိတ်တို့ဖြင့်။ ပိုင်းခြားသတ်မှတ်လျက်။ မဇ္ဈိမဒေသဟုခေါ်သော၊ သောဠသတဆယ့်ခြောက်ပြည်၏ အတွင်းအ၀င်အပါဖြစ်သော အ၀န်းသုံးယူဇနာရှိသည်။ ကပ္ပိညသတ်မြို့၏အတွင်း၌၎င်း။ ပိုင်းခြားတွက်ချက်၍ ပြခဲ့သောရွှေအိုးကြီးလေးလုံး၏ယူဇနာနှင့် ကပ္ပိလ၀တ်မြို့အကျယ်၏ ယူဇနာကိုနှိုင်းစာ၍ကြည့်လျှင်၊ ရွှေအိုးကြီးလေးလုံး၏အနံယူဇနာမှာ၊ နှစ်ယူဇနာနှင့်နှစ်ဂါဝုတ်ရှိသည်။ ကပ္ပိလသတ်မြို့အကျယ်၏ ယူဇနာကိုနှိုင်းစာ၍ကြည့်ရှုလျှင်။ ရွှေအိုးကြီးလေးလုံး၏အနံယူဇနာမှာ။ နှစ်ယူဇနာနှင့်နှစ်ဂါဝုတ်ရှိသည်။ ကပ္ပိလသတ်၏အလျားအကျယ်မှာ။ အရှေ့နှင့်အနောက်တယူဇနာ။ တောင်နှင့်မြောက်တယူဇနာသာရှိချေသည်။ သို့ဖြစ်သောကြောင့်၊ ၎င်းရွှေအိုးလေးလုံးတို့သည်။ သုဒ္ဒေါဓနမင်းကြီးစံနေတော်မူသော နန်းတော်တွင်းမှာပေါ်ဖို့ရန်ကိုမဆိုထားဘိဦး။ ကပ္ပိလသတ်တမြို့လုံး၏ အတွင်းမှာသော်လည်း၊ ၎င်းရွှေအိုးလေးလုံးတို့သည်ပေါ်နိုင်ရန် အကြောင်းမရှိဖြစ်သည်။ ဆင်ဖြူတော်ကိုပြုတ်စားသည်ဟု ပြောသော်လည်းအိုးကိုခြင့်တွက်၍ ယုံရမည်ဟုမြန်မာတို့ခိုင်းနှိုင်းတတ်သော။ ပေါရာဏစကားပုံကဲ့သို့။ ရှင်ဂေါတမ၏ အကြောင်းအရာအတ္ထုပ္ပတ္တိကို ရေးသားထားသောဗုဒ္ဓ၀င်ရွှေချကျမ်းကြီးလည်းစဉ်းစား၍သာ ယုံကြပါတော့။ ။ ၎င်းနောက်ခမည်းတော်သုဒ္ဓေါဓနမင်းကြီး။ ကိုးကွယ်သော ဒေ၀ီလရသေ့ကြီးသည်ဘုရားလောင်းသိဒ္ဓိတ်မင်းသားဘွားမြင်ကြောင်းကို ကြားသိလျှင်၊ နန်းတော်သို့ ၀င်ရောက်လာ၍ သုဒ္ဓေါဓနမင်းကြီးပြင်ဆင်ခင်းကျင်းသောနေရာ၌၊ ထိုင်နေသောအခါ၊ ရှင်သိဒ္ဓတ္ထမင်းသားသူငယ်သည်၊ ခမည်းတော်သုဒ္ဓေါဓနမင်းကြီး ရင်ခွင်ထက်မှဆင်း၍၊ ဒေ၀ီလရသေ့ကြီး၏ထိပ်ပေါ်၌ခြေစုံရပ်၍နေသည်။ ထိုအခါဒေ၀ီလရသေ့ကြီးသည်ရယ်ခြင်း၊ ငိုခြင်းကိုပြုပြီးလျှင်၊ သုဒ္ဓေါဓနမင်းကြီးနှင့်အတူ၊ ရှင်သိဒ္ဓတ္ထမင်းသား၊ ခုနစ်ရက်သားအရွယ်ကို ရှိခိုးကြသည်။ ၎င်းနောက်ရှင်သိဒ္ဓတ်မင်းသားသူငယ်သည်တလသားအရွယ်သို့ရောက်လျှင် သုဒ္ဓေါဓနမင်းကြီးသည် လယ်ထွန်မင်္ဂလာပြုလုပ်၍သိဒ္ဓတ်မင်းသားကို ဇမ္ဗူသပြေပင်ရပ်တွင်၊ ရွှေတင်းတိမ်တို့ဖြင့် ကာတန်းပြီးလျှင် သိပ်ထားသောအခါ ဇမ္ဗူသပြေပင်အရိပ်လည်း အဘယ်သို့မျှမရွှေ့မပြောင်း၊ ထီးမိုးသကဲ့သို့နေသည်။ ထိုအခါသိဒ္ဓတ်မင်းသားသူငယ်သည် ထက်ဝယ်ဖွဲ့ခွေနေထိုင်ပြီးလျှင်၊ အာနာပါနကမဌာန်းကို၊ ဆင်ခြင်သုံးသပ်လျက်၊ ပဌမဈာန်သို့ဝင်သွား၍နေသောအခါကို၊ ခမည်းတော်သုဒ္ဓေါဓနမင်းကြီးသည် ၎င်းအချင်းအရာကိုမြင်လျင်၊ ဗိုလ်ပါပရိတ်သတ် အပေါင်းတို့နှင့်တကွ၊ သိဒ္ဓတ္ထမင်းသားသူငယ်အား ရှိခိုးကြသည်ဟု၊ ၎င်းဗုဒ္ဓ၀င်ကျမ်းတွင်ပြဆိုသည်။

Posted in: ဗုဒ္ဓေါဝါဒ