မြင့်မိုရ်၊သတ္တရဘန်၊ တောင်စဉ်ခုနှစ်ထပ်နှင့်တကွ၊ လောကဓါတ်တည်ပုံကိုပိဋကတ်ကပြဆိုသောအရာသည်မှားကြောင်းကိုစစ်ဆေးပြခြင်းအကြောင်း။ ။

မြင့်မိုရ်တောင်၏၊ အမြင့်၊ အကျယ်ကို ပိဋကတ်ကပြဆိုသည်မှာ။ သမုဒ္ဒရာ ရေအထက်ကိုလည်း အမြင့်ယူဇနာ ရှစ်သောင်းလေးထောင်၊ ၎င်းသမုဒ္ဒရာရေအထဲ၌လည်း ရှစ်သောင်းလေးထောင်၊ အ၀န်းဖြစ်သော အနံအလျှားလည်း ယူဇနာရှစ်သောင်းလေးထောင်ရှိသည်ဟုပြဆိုလေ၏။ ၎င်းမြင့်မိုရ်တောင်ကို။ ယုဂန်၊ ဣဿိ၊ ကရပိ၊ နေမိ၊ သုဒဿ၊ ၀ိနဿက၊ အဿကဏ်ဟုဆိုအပ်သော၊ တောင်စဉ်ခုနှစ်ထပ်တို့နှင့်တကွ၊ သီတာခုနှဏ်တန်တို့၏အဆုံး၊ တောင်မျက်နှာ၌၊ အခြင်းအားဖြင့် ယူဇနာ သုံးထောင်၊ အ၀န်းအားဖြင့် ယူဇနာကိုးထောင်၊ အမြင့်အားဖြင့် ယူဇနာ ငါးရာခုနှစ်ရှိသော၊ ဟိမ၀န္တာတောင်ရှိ၏၊ ၎င်းဟိမ၀န္တာတောင်၏ခြေရင်း၌လည်း၊ အခြင်းယူဇနာငါးဆယ်၊ အ၀န်းယူဇနာ တရာ့ငါးဆယ်စီရှိသောအနောဒတ္တအိုင်၊ ကဏ္ဏမုဏ္ဍအိုင်၊ ရထာကာရ အိုင်၊ ဆဒ္ဒန္ဒအိုင်၊ ကုဏ္ဍအိုင်၊ မန္ဒာကိန်အိုင်၊ သီဟပ္ပပါတအိုင်ဟူ၍အိုင်ကြီး၊ ခုနှစ်အိုင်ရှိသည်၊ ၎င်းခုနှစ်အိုင်တွင်၊ အနောဒတ္တအိုင်၌၊ ဆင်၊ ခြင်္သေ့၊ နွားခံတွင်းတို့နှင့်ဟုဆိုသော ပြွန်ကြီးလေးဆင်းရှိ၏။ထိုပြွန်ကြီးလေးဆင်းတို့တွင်၊ အနောက်မျက်နှာ၊ ဆင်ခံတွင်းပြွန်မှထွက်သောရေသည်၊ အနောက်သမုဒ္ဒရာသို့စီးဝင်၏။ မြောက်မျက်နှာ၊ မြင်းခံတွင်းပြွန်မှထွက်သောရေသည်၊ မြောက်သမုဒ္ဒရာထဲသို့ စီးဝင်လေ၏။ အရှေ့မျက်နှာ ခြင်္သေ့ခံတွင်းပြွန်မှ ထွက်သောရေသည်၊ တောင်သမုဒ္ဒရာထဲသို့ စီးဝင်၏ဟူ၍၊ ထိုကဲ့သို့အသီးအသီးမြစ်ကြီး၊ မြစ်ငယ်၊ စီးဆင်းသောပုံ၊ ကျွန်းကြီးကျွန်းငယ်တည်ရှိပုံနှင့်တကွ၊ ၎င်းကျွန်းတို့အလယ်တွင်မြင့်မိုရ်တောင်တည်ပုံ၊ ၎င်းမြင့်မိုရ်တောင်ကို အရှေ့၊ အနောက်၊ တောင်၊ မြောက်၊ သမုဒ္ဒရာလေးစင်းနှင့်တကွ၊ စကြာဝဠာတောင်၊ ကာရန်လျှက်နေပုံကို။ လောကဓါတ်တည်ပုံနှင့်တကွ အလုံးသုံတို့ကိုအစိတ်စိတ်ထုတ်ပြပြီး။ ၎င်းတို့ကို ၊ အဌကထာကျမ်း၊ ဇနလင်္ကာရကျမ်း၊ အဘိဓါန်ကျမ်း၊ မဇ္ဇျိမပဏ္ဏာသဋီကာကျမ်း၊ ပေါတလိယသုတ်အဌကထာ၊ သာရတ္တဒီပဏီဋီကာကျမ်းတို့တွင်၊ အသီးသီးပြဆိုကြကုန်၏။
၎င်းကျမ်းတို့ပြဆိုသောအရာ၌ဆင်ခြင်ရန်အကြောင်းမှာ၊ ဟိမ၀န္တာတောင်၏ခြေရင်း၊ အနောဒတ္ထအိုင် နွားခံတွင်းမှထွက်သောရေသည်၊ တောင်သမုဒ္ဒရာ ထဲသို့စီးဝင်လေသည်ဆိုသောစကားအတိုင်း မှန်ပါစေဦးတော့၊ အနောဒတ္တအိုင်အမြောက်မျက်နှာ၊ မြင်းခံတွင်းမှထွက်သောရေသည်၊ မြောက်သမုဒ္ဒရာထဲသို့စီးဝင်သည်ဆိုခြင်းမှာ။ မြောက်သမုဒ္ဒရာသည် ရေပေါ်မှရှစ်သောင်းလေးထောင်မြင့်သော၊ မြင့်မိုရ်တောင်။ တောင်မျက်နှာ၊ ဟိမ၀န္တာတောင်ခြေရင်း၌တည်ရှိသော အနောဒတ္တအိုင်ကရေသည်၊ မြင်းခံတွင်းပေါက်မှထွက်ပြီးလျှင်၊ မြင့်မိုရ်တောင်၏ မြောက်ဘက်၌ရှိသောမြောက်သမုဒ္ဒရာထဲသို့ အဘယ်ကဲသို့စီးဝင်နိုင်သနည်းဟုတော့ စဉ်းစားဆင်ခြင်ရန်ရှိခြေသည်။ သို့မဟုတ်၊ ၎င်းအနောဒတ္တအိုင် မြောက်မျက်နှာမြင်းခံတွင်းပြွန်မှထွက်သောရေသည်၊ သတ္တရကန်၊ တောင်စဉ်ခုစဉ်ခုနှစ်ထပ်နှင့်၊ ရှစ်သောင်းလေးထောင်သော မြင့်သောမြင့်မိုရ်တောင်ကိုရေပန်းဖြင့်ကျော်၍၊ မြောက်သမုဒ္ဒရာထဲသို့စီးဆင်းစေသည်ဟု၊ အလှုအိမ်၊ မသာအိမ် စသည်တို့၌ ၀ါကြွားဟောပြောသော ဆရာတို့ကကောက်ယူမည်လား။ ။ သို့တည်းမဟုတ်သတ္တရတန်၊ တောင်စဉ်ခုနှစ်ထပ်နှင့် အနံ၊ အလျှားအားဖြင့်ရှစ်သောင်း လေးထောင်အထူရှိသောမြင့်မိုရ်တောင်ကိုထွင်းဖေါက်၍၊ မြောက်သမုဒ္ဒရာထဲသို့စီးဆင်းသည်ဟူ၍ပင်အများသောသူတို့ ခရစ်ယာန်ဘာသာထဲသို့မ၀င်ရလေအောင်၊ နောက်ထပ်လူပြိန်းတို့နားမလည်နိုင်ရလေအောင်၊ လက်သန်းပါဠိ ကလေးများလုပ်၍ ဖြေဆိုမည်လား။ သို့သော်လည်းမြောက်သမုဒ္ဒရာထဲသို့ ရေပန်းဖြင့်ကျော်၍၀င်သည်ဟု ပြောသည်ဖြစ်စေ၊ မြင့်မိုရ်တောင်ထိုးဖေါက်၍၀င်သည်ဟု ရေးသည်ဖြစ်စေ၊ အနောတ္တအိုင်ရေသည်၊ မြောက်သမုဒ္ဒရာထဲသို့။ စီးဝင်သည်ဟုယူရမည်ဆိုကလည်း၊ ပိဋကတ်ကျမ်းတို့တွင် မပြသောကြောင့်၊ မကျေသောဒွိဟနှင့်ဝိ၀ါဒအရ အငြင်းအခုံမဖြစ်ရအောင်၊ ဤကျမ်းကိုရေးသောကျွန်ုပ်ခရစ်ယာန်ဆရာက၊ စောဒကပြုချင်သည်မှာ၊ ပညာတ်ဝတ္ထု၊ မံသစက္ခုဖြင့်ကြည့်ရှု၍ မြင်နိုင်သောအရာဖြစ်သော၊ ဤလောကမြေကြီးဓါတ်ကိုမှန်ကန်စွာရှိအောင် မပြနိုင်ပါလျှင်၊ မံသစက္ခုဖြင့်ကြည့်ရှု၍။ မျက်မြင်မရသော ပရမတ္တသဘော၊ လောကုတ္တရာတရားသဘောတို့ကို။ ထိုသို့သောပိဋကတ်ကျမ်းစာတို့ကဆုံးဖြတ်ခြင်းများသည်၊ ဟုတ်သည်၊ မှန်သည်ဟူ၍ယုံဘွယ်စရာအကြောင်းရှိနိုင်ပါမည်လော။ အို…. ဗုဒ္ဓဘာသာမြန်မာလူမျိုးတို့၊

အို … အဆွေက၀ိတို့ ၊ ၎င်း လောကဓါတ်အကြောင်းအရာတို့ကို၊ ရေးသားစီမံကြကုန်သောပိဋကတ်ကျမ်းဆရာတို့သည်၊ ကိုယ်တိုင်ဤလောကဓါတ်၊ ရေ၊ မြေ၊ တောတောင်တို့ကို၊ လှည့်လည်တိုင်းထွာ၍၊ ရေးသားကျသော ကျမ်းမဟုတ်ပေ။ မိမိတို့ကျောင်းပေါ်ကနေ၍၊ စိတ်ကူးရရာထင်မြင်သလို ရေးသားထားကြသောကျမ်းစုဖြစ်ခြေတော့ပေသည်။ ။

Posted in: ဗုဒ္ဓေါဝါဒ